Mae ceisiadau am Grant dechrau business SPF2 bellach wedi cau i geisiadau newydd
Mae’r prosiect hwn yn cael ei gyllido gan Lywodraeth y DU drwy Gronfa Ffyniant Gyffredin y DU.
Cefnogi Busnesau Newydd
Mae Cyngor Castell-nedd Port Talbot yn ystyried bod buddsoddi mewn egin fusnesau newydd, datblygu busnesau sydd eisoes yn bodoli a denu mewnfuddsoddwyr yn hollbwysig er mwyn cefnogi cymunedau lleol a’r economi
Nod ein rhaglen ‘Gawn Ni Siarad: Dechrau Eich Busnes CHI’ yw cefnogi unigolion sy’n awyddus i ddechrau busnes a’r rhai sy’n masnachu ers chwe mis neu lai drwy roi gwybodaeth, cymorth ac arweiniad iddynt, yn ogystal â chyllid grant i’r rhai sy’n gymwys.
Bydd unigolion sy’n awyddus i ddechrau busnes yn rhan-amser hefyd yn cael eu hystyried os byddant yn gweithio yn y busnes am o leiaf 16 awr yr wythnos.
Ar gyfer gwariant prosiect rhwng £500 – £10,000 – 70% wedi’i ariannu drwy’r grant hyd at uchafswm o £10,000 gyda’r ymgeisydd yn ariannu’r 30% arall.
Rhoddir cyllid yn ôl disgresiwn a chaiff ceisiadau eu hystyried fesul achos ar ôl asesu meini prawf cymhwysedd y grant a budd y grant i’r busnes.
Cyllid Grant
Mae Grant Dechrau Busnes y Cyngor, a ariennir drwy’r Gronfa Ffyniant Gyffredin, ar gael er mwyn helpu ymgeiswyr cymwys i dalu costau dechrau busnes newydd a fydd yn rhoi cyflogaeth amser llawn a/neu ran-amser iddynt (o leiaf 16 awr yr wythnos ym mlwyddyn 1). Rhaid i berchennog y busnes anelu at ennill incwm personol o £12570 neu fwy o’r busnes. Trothwy lwfans treth incwm personol sylfaenol CThEF yw’r ffigur hwn.
Meini prawf cymhwysedd
Mae’n bosibl y byddwch yn gymwys i wneud cais os ydych chi:
Wedi dechrau masnachu neu wedi bod yn masnachu prawf yn ystod y chwe mis diwethaf
Heb ddechrau masnachu, yn cael eich cyflogi’n rhan-amser, yn ddi-waith, yn economaidd anweithgar, wedi cael rhybudd dileu swydd neu’n symud o swydd i hunangyflogaeth ar adeg eich cais (ar gyfer partneriaethau a chwmnïau cyfyngedig, bydd yn rhaid i bob ymgeisydd fodloni’r maen prawf cymhwysedd hwn)
Yn 18 oed neu’n hŷn.
Yn gallu dangos bod gennych brofiad a/neu gymwysterau sy’n berthnasol i’r maes y mae’r busnes yn bwriadu gweithredu ynddo.
Wedi bod i naill ai:
Un o weithdai dechrau busnes Llywodraeth Cymru neu
Un o weithdai archwilio menter Ymddiriedolaeth y Tywysog neu
Yn gallu dangos profiad blaenorol o hunangyflogaeth.
Yn cael cymorth drwy wasanaeth Busnes Cymru neu sefydliad cymorth cymeradwy/cydnabyddedig arall
Pa sectorau busnes sy’n gymwys?
Gall y cyllid gefnogi busnesau sy’n gweithredu yn y rhan fwyaf o sectorau cyn belled â bod y busnes wedi’i leoli yng Nghastell-nedd Port Talbot. Mae hyn yn cynnwys y canlynol:
Adeiladu
Creadigrwydd a’r Cyfryngau
Ynni
Peirianneg
Yr Amgylchedd
TGCh
Gweithgynhyrchu
Ynni Adnewyddadwy
Manwerthu
Gwasanaethau
Twristiaeth, Lletygarwch a Hamdden
Pa weithgareddau sy’n anghymwys, os o gwbl?
Er y cefnogir amrywiaeth eang o weithgareddau, nid yw’r rhestr yn hollgynhwysfawr. Ni fydd y Cyngor yn cefnogi unrhyw weithgaredd anghyfreithlon nac unrhyw weithgaredd arall a all beryglu enw da’r Awdurdod ym marn y panel. Ni roddir cymorth grant ar gyfer y gweithgareddau canlynol.
· Modelu noeth neu hanner noeth
· Cwnsela
· Cynnig gwasanaethau rhywiol o unrhyw fath
· Hyfforddiant bywyd
· Pornograffi
· Aciwbigo
· Gamblo
· Tatŵyddion
· Canolfannau hapchwarae
· Hyrwyddo gweithgareddau crefyddol neu wleidyddol penodol
· Gwasanaethau gwely haul
· Adeiladu hapfasnachol
· Therapïau, cynhyrchion a meddyginiaethau amgen
· Triniaethau meddygol ategol, cynhyrchion cosmetig a thriniaethau esthetig
Pa gostau y bydd y grant yn helpu i’w talu?
Bydd y grant yn helpu i dalu amrywiaeth o gostau, yn amodol ar isafswm gwariant o £50.00 gan gynnwys TAW fesul dyfynbris, gan gynnwys:
· Prynu ac adnewyddu safle
· Offer, peiriannau a chyfarpar
· Caledwedd a meddalwedd TG
· Stoc (h.y. deunyddiau crai a ddefnyddir i gynhyrchu’r eitemau/cynhyrchion yr hoffech eu gwerthu) D.S: Ni fydd eitemau y byddwch yn eu prynu i’w gwerthu yn gymwys.
· Offer
· Cymorth ymgynghorol arbenigol i fusnesau sydd eisoes yn masnachu/masnachu prawf
· Gorbenion gan gynnwys marchnata, hysbysebu, yswiriant ac ati
Pa gostau na fyddant yn gymwys ar gyfer cymorth?
· Tanysgrifiadau wythnosol/misol (oni fydd modd eu prynu ymlaen llaw).
· Cerbydau a’u costau rhedeg cysylltiedig, h.y. petrol, teiars, cynnal a chadw ac ati.
D.S: Ni fydd eitemau a brynwyd cyn gwneud cais neu gael cynnig grant ffurfiol yn gymwys ar gyfer cymorth cyllid.
Faint y gallaf wneud cais amdano?
Hyd at £10,000 tuag at gostau dechrau busnes cymwys, ar ffurf arian cyfatebol fel a ganlyn:
Ar gyfer gwariant prosiect rhwng £500 – £10,000 – 70% wedi’i ariannu drwy’r grant hyd at uchafswm o £10,000 gyda’r ymgeisydd yn ariannu’r 30% arall.
Caiff lefel y grant a ddyfernir ei chyfrifo’n seiliedig ar y canlynol:
- Canran o’r costau cymwys (gan gynnwys TAW), a
- Nifer y swyddi a gaiff eu creu a/neu eu diogelu gan y prosiect fel a ganlyn:
- – £5,000 fesul rôl amser llawn 30+ awr yr wythnos
- – £2,500 fesul rôl ran-amser 16-29 awr yr wythnos.
Rhoddir grantiau yn ôl disgresiwn a bydd y Cyngor yn ystyried ceisiadau fesul achos.
D.S:
- Ni allwch ymrwymo i wariant cyn cael cynnig ysgrifenedig.
Mae gan y Cyngor ddisgresiwn i wirio a oes gan fusnes neu ymgeisydd ôl-ddyledion gydag unrhyw daliad i Gyngor Castell-nedd Port Talbot, a gallai hyn effeithio ar ganlyniad eich cais.
Bydd cyllid gan Gyngor Castell-nedd Port Talbot yn ddarostyngedig i Ddeddf Rheoli Cymorthdaliadau Llywodraeth y DU (2022).
Mae’r grant Dechrau Business bellach wedi cau i geisiadau newyddons
Rhaid i ddyfynbrisiau ar gyfer gwariant y prosiect gael eu cyflwyno gyda’ch cais.
D.S: Dim ond eitemau dros £50.00 gan gynnwys TAW fydd yn gymwys
Rhaid glynu wrth y canlynol:
1. Os oes gennych eich Polisi Caffael eich hun – rhaid rhoi copi i Swyddfa Rheoli Rhaglenni Cronfa Ffyniant Gyffredin y DU Cyngor Castell-nedd Port Talbot ar gyfer ei chofnodion.
2. Os nad oes gennych bolisi caffael, RHAID i chi ddilyn y rheolau canlynol i ddangos gwerth am arian:
Contractau hyd at £10,000 – 1 (un) dyfynbris ysgrifenedig o ffynhonnell gystadleuol i ddangos arferion da a gwerth am arian. Copi o’r dyfynbris a gadwyd ar gyfer cofnodion. Bydd yr holl ffigurau gan gynnwys TAW.
Contractau rhwng £10,000 a £100,000 – rhaid ceisio o leiaf 2 (dau) ddyfynbris o ffynonellau cystadleuol a chael o leiaf 1 (un) dyfynbris. Rhaid i’r dyfynbrisiau fod yn seiliedig ar y canlynol:
• yr un fanyleb o ofynion
• yr un meini prawf gwerthuso a gwerthuso ar sail tebyg at ei debyg. Mae’n arfer dda sefydlu panel gwerthuso
• yr un dyddiad cau ar gyfer cyflwyno dyfynbrisiau, a’r ffaith na chânt eu derbyn ar ôl hynny
Rhaid i gofnod wedi’i ddogfennu o’r dyfynbrisiau a geisiwyd, y broses werthuso a’r penderfyniad i ddyfarnu gael ei gadw at ddibenion archwilio.
*Os mai dim ond 1 (un) dyfynbris a ddaw i law, rhaid i chi gysylltu â’r Cyngor i rannu’r manylion a chyfiawnhad o’r broses gaffael y byddwch wedi’i dilyn. Bydd yn rhaid i’r penderfyniad i brynu gael ei gymeradwyo gan y Cyngor fesul achos. Copi o’r holl ddyfynbrisiau a gohebiaeth a gadwyd ar gyfer cofnodion. Bydd yr holl ffigurau gan gynnwys TAW.
Dros £100,000 hyd at drothwy Deddf Caffael 2023 (£214,904 ar gyfer nwyddau/gwasanaethau a £5,372,609 ar gyfer gwaith ar hyn o bryd). Rhaid ceisio o leiaf 3 (tri) dyfynbris o ffynonellau cystadleuol. Os daw llai na dau ddyfynbris i law, rhaid i chi gysylltu â’r Cyngor i rannu’r manylion a chyfiawnhad o’r broses gaffael y byddwch wedi’i dilyn. Bydd yn rhaid i’r penderfyniad i brynu gael ei gymeradwyo gan y Cyngor fesul achos. Copi o’r holl ddyfynbrisiau a gohebiaeth a gadwyd ar gyfer cofnodion. Bydd yr holl ffigurau gan gynnwys TAW.
Bydd yn rhaid i’r un wybodaeth gael ei rhoi i bawb a wahoddir i roi dyfynbris:
• yr un fanyleb o ofynion
• amlinelliad o’r meini prawf gwerthuso a ddefnyddir i ddyfarnu’r contract
• yr un dyddiad cau ar gyfer cyflwyno dyfynbrisiau, a’r ffaith na chânt eu derbyn ar ôl hynny
Bydd yn rhaid i’r broses werthuso a ddilynir gennych fod yn gyson â’r meini prawf gwerthuso gwreiddiol a amlinellwyd a bydd yn rhaid cyflwyno taflen gyfiawnhau yn esbonio ar ba sail y dewiswyd y tendr llwyddiannus. Yr arfer orau yw sefydlu panel gwerthuso i werthuso tendrau.
Yn achos prosesau caffael â gwerth dros drothwy’r DU, cysylltwch â’ch Swyddog Prosiect yn y Cyngor.
D.S: Rhaid i bob ymgeisydd allu gwneud y canlynol:
· Dechrau masnachu a phrynu’r eitemau y ceisir cyllid ar eu cyfer o fewn dau fis i ddyddiad y llythyr cynnig.
· Talu am brynu’r eitemau yn y lle cyntaf.
· Cyflwyno tystiolaeth bod taliadau am bryniannau a darnau o waith y cytunwyd arnynt wedi cael eu gwneud drwy gyfrif banc neu gerdyn credyd a ddelir yn enw a chyfeiriad yr ymgeisydd am grant. Ni fydd taliadau a wneir mewn arian parod yn gymwys ar gyfer cyllid grant.
· Cydnabod y gall Cyngor Castell-nedd Port Talbot ddefnyddio manylion eich busnes a’ch prosiect mewn gweithgarwch hyrwyddo yn y dyfodol, e.e. datganiadau i’r wasg, astudiaethau achos ac ati.
· Cydnabod ei bod yn ofynnol i Gyngor Castell-nedd Port Talbot gyhoeddi manylion dyfarniadau grant.
A allaf ddefnyddio cardiau credyd ac arian parod yn ogystal â’m cyfrif banc i dalu costau fy mhrosiect?
Rhaid i daliadau ar gyfer gwariant prosiect gael eu gwneud o gyfrif banc busnes fel a ganlyn:
Pobl hunangyflogedig ac unig fasnachwyr – rhaid defnyddio cyfrif banc sydd at ddibenion busnes, a all fod yn eich enw eich hun neu yn enw’r busnes. Rhaid i gyfriflenni a gyflwynir gyda hawliadau grant ddangos tystiolaeth glir o incwm a gwariant y busnes.
Partneriaethau, cwmnïau cyfyngedig ac ati – rhaid defnyddio cyfrif banc yn enw’r busnes.
Derbynnir pryniannau cerdyn credyd os bydd y cerdyn yn enw a chyfeiriad yr ymgeisydd am y grant. Rhaid i daliadau yn erbyn cyfriflenni cerdyn credyd gael eu gwneud o’r cyfrif banc busnes uchod. Bydd angen tystiolaeth i ddangos bod gwerth pryniannau cerdyn credyd o’r fath wedi cael eu talu oddi ar y gyfriflen berthnasol.
Ni dderbynnir taliadau arian parod.
Sut mae tynnu’r cyllid i lawr?
Bydd eich llythyr/e-bost cynnig yn cynnwys manylion y dystiolaeth y bydd ei hangen arnom er mwyn i chi allu tynnu’r grant i lawr. Gallai hyn gynnwys: Cadarnhad o’ch Rhif UTR, manylion adnabod, copi o anfonebau/derbynebau a chyfriflenni banc fel prawf o bryniant ac unrhyw wybodaeth arall yr ystyrir ei bod yn berthnasol i’ch cais.
Caiff y grant ei dalu i’ch cyfrif banc enwebedig drwy BACS.
A fyddaf yn cael unrhyw gymorth parhaus?
Byddwn yn cadw mewn cysylltiad â chi ac yn cysylltu â chi yn ystod eich chwe mis cyntaf o fasnachu i weld sut mae pethau’n mynd yn y busnes ac i gynnig cyngor a chymorth yn ôl yr angen.
Gall gymryd amser i sefydlu eich busnes ac mae’n bosibl y bydd angen i chi wneud newidiadau i’ch cynllun gwreiddiol a rhoi cynnig ar bethau gwahanol. Os hoffech gyngor neu gymorth unrhyw bryd, neu os bydd angen gwybodaeth arnoch, cysylltwch â ni gan ddefnyddio’r manylion isod.
A allaf wneud cais am gyllid pellach?
Wrth i’ch busnes ddatblygu a thyfu, mae’n bosibl y byddwch yn gymwys i wneud cais am gyllid pellach.
Y Rheoliad Cyffredinol ar Ddiogelu Data (GDPR)
Caiff eich gwybodaeth ei phrosesu yn unol â dogfen CBS Castell-nedd Port Talbot – Hysbysiad Preifatrwydd y Gwasanaethau Datblygu Economaidd – y bydd copi caled ohoni ar gael ar gais.
Cysylltwch
Os oes angen rhagor o wybodaeth arnoch, cysylltwch â:
E-bost: spfbusiness2@npt.gov.uk neu ffoniwch 01639 686835.