Mae Trawsnewid Trefi yn rhaglen Llywodraeth Cymru sydd wedi ymrwymo i fynd i'r afael â'r dirywiad yng nghanol trefi a dinasoedd Cymru ac i'w hailddyfeisio a'u hadfywio i fannau lle mae pobl eisiau treulio eu hamser.
Mae’n deg dweud bod trefi Castell-nedd Port Talbot yn wynebu llawer o heriau ar hyn o bryd, o ganlyniad i’r lleihad yn y galw am fanwerthu ar y stryd fawr, a’r pandemig. Mae’r rhaglen yn canolbwyntio ar wella bioamrywiaeth a seilwaith gwyrdd; ailddefnyddio adeiladau gwag; cynyddu’r amrywiaeth o wasanaethau sydd ar gael mewn trefi, gyda phwyslais ar leoedd gweithio a byw hyblyg; a mynediad at wasanaethau a chyfleusterau hamdden.
Rydym wedi sicrhau cyllid gan raglen Trawsnewid Trefi er mwyn helpu i gefnogi buddsoddiad cyfalaf ar gyfer adfywio chwe chanol tref allweddol ledled y sir – y Grant Creu Lleoedd.
Y canol trefi lle y byddwn yn darparu cyllid y Grant Creu Lleoedd yw:
- Port Talbot
- Llansawel
- Castell – nedd
- Pontardawe
- Glyn-nedd
- Ystalyfera
Os yw eich busnes neu’ch sefydliad yn ystyried gwneud cais, mae’n syniad da trafod eich syniad prosiect gyda swyddog prosiect lleol yn gyntaf, gan y bydd yn gallu rhoi gwybod i chi a fyddai’n gymwys i gael cyllid, a’ch helpu i lunio datganiad cychwynnol o ddiddordeb. Yn ogystal â bodloni meini prawf y Grant Creu Lleoedd, rhaid i brosiectau hefyd ddangos cysylltiadau clir â chynllun bro tref neu strategaeth canol tref gyfredol.
Mae'r gweithgareddau y gallai'r Grant Creu Lleoedd eu hariannu yn cynnwys:
Gwella tu blaen adeiladau, ynghyd ag uwchraddio lleoedd gwag masnachol er mwyn iddynt gael eu defnyddio at ddibenion busnes buddiol unwaith eto
Troi lleoedd gwag ar loriau uchaf eiddo masnachol yn llety preswyl newydd
Cynnwys seilwaith carbon isel neu ddi-garbon a/neu fannau gwyrdd
Gwella tir y cyhoedd ar raddfa fach lle y bydd hynny’n cael effaith gymdeithasol ac economaidd amlwg
wblhau gwaith crynhoi tir ar gyfer cynigion strategol mwy, e.e. gwaith dymchwel er mwyn gwella cysylltedd neu greu mannau gwyrdd, darparu cyfleusterau cyhoeddus neu wella tir y cyhoedd
Caffael stondinau, standiau a llwyfannau masnachu ac ati a gosod cyflenwadau trydan allanol
Sefydlu busnesau dros dro neu fusnesau ‘yn y cyfamser’ mewn safleoedd gwag
Gwella tu blaen siopau ar y tu allan heb fod angen eu haddasu na’u hailddatblygu ar y tu mewn
Cefnogi dadansoddeg Wi-Fi a rhwydweithiau LoRaWAN
Hwyluso llwybrau teithio llesol lle na ellir ariannu hyn drwy ddulliau eraill
Darparu cyfleusterau chwarae awyr agored, ardaloedd gemau amlddefnydd a gweithgareddau hamdden yn yr awyr agored.
Bydd y Rhaglen Grant Creu Lle yn rhedeg am ddwy flynedd arall o 1 Ebrill 2025. Bydd rhaid cwblhau pob prosiect a ariannwyd erbyn Ionawr 2027.
Os oes gennych syniad ar gyfer prosiect adfywio yr hoffech siarad â ni amdano, neu i gael rhagor o wybodaeth a chanllawiau mewn perthynas â’r grant, cysylltwch â Donna Williams ar 07890892989 neu anfonwch e-bost gan ddefnyddio’r botwm isod:
D.S: Dim ond eitemau dros £50.00 heb gynnwys TAW fydd yn gymwys
Rhaid glynu wrth y canlynol:
- Os oes gennych eich Polisi Caffael eich hun – rhaid rhoi copi i Swyddfa Rheoli Rhaglenni Cronfa Ffyniant Gyffredin y DU Cyngor Castell-nedd Port Talbot ar gyfer ei chofnodion.
- Os nad oes gennych bolisi caffael, RHAID i chi ddilyn y rheolau canlynol i ddangos gwerth am arian:
Contractau hyd at £10,000 – 1 (un) dyfynbris ysgrifenedig o ffynhonnell gystadleuol i ddangos arferion da a gwerth am arian. Copi o’r dyfynbris a gadwyd ar gyfer cofnodion. Bydd yr holl ffigurau gan gynnwys TAW.
Contractau rhwng £10,000 a £100,000 – rhaid ceisio o leiaf 2 (dau) ddyfynbris o ffynonellau cystadleuol a chael o leiaf 1 (un) dyfynbris. Rhaid i’r dyfynbrisiau fod yn seiliedig ar y canlynol:
- • yr un fanyleb o ofynion
- • yr un meini prawf gwerthuso a gwerthuso ar sail tebyg at ei debyg. Mae’n arfer dda sefydlu panel gwerthuso
- • yr un dyddiad cau ar gyfer cyflwyno dyfynbrisiau, a’r ffaith na chânt eu derbyn ar ôl hynny
Rhaid i gofnod wedi’i ddogfennu o’r dyfynbrisiau a geisiwyd, y broses werthuso a’r penderfyniad i ddyfarnu gael ei gadw at ddibenion archwilio.
*Os mai dim ond 1 (un) dyfynbris a ddaw i law, rhaid i chi gysylltu â’r Cyngor i rannu’r manylion a chyfiawnhad o’r broses gaffael y byddwch wedi’i dilyn. Bydd yn rhaid i’r penderfyniad i brynu gael ei gymeradwyo gan y Cyngor fesul achos. Copi o’r holl ddyfynbrisiau a gohebiaeth a gadwyd ar gyfer cofnodion. Bydd yr holl ffigurau gan gynnwys TAW.
Dros £100,000 hyd at drothwy Deddf Caffael 2023 (£214,904 ar gyfer nwyddau/gwasanaethau a £5,372,609 ar gyfer gwaith ar hyn o bryd). Rhaid ceisio o leiaf 3 (tri) dyfynbris o ffynonellau cystadleuol. Os daw llai na dau ddyfynbris i law, rhaid i chi gysylltu â’r Cyngor i rannu’r manylion a chyfiawnhad o’r broses gaffael y byddwch wedi’i dilyn. Bydd yn rhaid i’r penderfyniad i brynu gael ei gymeradwyo gan y Cyngor fesul achos. Copi o’r holl ddyfynbrisiau a gohebiaeth a gadwyd ar gyfer cofnodion. Bydd yr holl ffigurau gan gynnwys TAW.
Bydd yn rhaid i’r un wybodaeth gael ei rhoi i bawb a wahoddir i roi dyfynbris:
- • yr un fanyleb o ofynion
- • amlinelliad o’r meini prawf gwerthuso a ddefnyddir i ddyfarnu’r contract
- • yr un dyddiad cau ar gyfer cyflwyno dyfynbrisiau, a’r ffaith na chânt eu derbyn ar ôl hynny
Bydd yn rhaid i’r broses werthuso a ddilynir gennych fod yn gyson â’r meini prawf gwerthuso gwreiddiol a amlinellwyd a bydd yn rhaid cyflwyno taflen gyfiawnhau yn esbonio ar ba sail y dewiswyd y tendr llwyddiannus. Yr arfer orau yw sefydlu panel gwerthuso i werthuso tendrau.
Yn achos prosesau caffael â gwerth dros drothwy’r DU, cysylltwch â’ch Swyddog Prosiect yn y Cyngor.
D.S: Rhaid i’r ceisiadau a gyflwynir gael eu hawdurdodi’n briodol gan berchennog, partner neu gyfarwyddwr yn y busnes.
Dyma rai enghreifftiau o brosiectau sydd wedi’u cwblhau:
Y Cantebury Arms, Castell-nedd
Y Woolpack, Glyn-nedd
Ffordd Llundain, Castell-nedd