Cronfa Datblygu Busnesau'r Gronfa Twf Lleol
Nod Grant Datblygu Busnes y Gronfa Twf Lleol a’r Gronfa Twf Busnes ac Arloesi yw atgyfnerthu’r economi ranbarthol drwy gefnogi mentergarwch, gwella cynhyrchiant a chreu cyfleoedd cynaliadwy i gymunedau ledled Castell-nedd Port Talbot. Mae’r gronfa’n sbardun allweddol ar gyfer twf busnes, arloesi, a chreu swyddi.
Yn adeiladu ar lwyddiant Cronfa Ffyniant Gyffredin y DU (SPF), mae’r rhaglen wedi’i dylunio i ymateb i anghenion busnesau lleol, helpu busnesau i gychwyn, i dyfu ac i arloesi tra’n creu cyfleoedd gyflogaeth hirdymor.
Bwriedir y grant hwn yn bennaf i gefnogi buddsoddiad cyfalaf sy’n galluogi twf busnes, cynnydd mewn cynhyrchiant a chreu swyddi. Gellir ystyried elfen gyfyngedig o wariant refeniw lle mae’n gysylltiedig yn uniongyrchol â, ac yn angenrheidiol ar gyfer, cyflwyno a gweithredu’n effeithiol y prosiect cyfalaf. Rhaid i gostau refeniw fod yn gymesur ac yn glir eu cyfiawnhau fel cefnogi’r buddsoddiad cyfalaf.
Rhoddir cyllid yn ôl disgresiwn a chaiff ceisiadau eu hystyried fesul achos.
Cyllid Grant ar Gael
Busnesau Newydd
Mae’r Gronfa Datblygu Lleol Dechrau Busnes bellach ar gau i ymadroddion diddordeb newydd
Busnesau Presennol
Mae Gronfa Datblygu Busnes Twf Lleol nawr ar gau ar gyfer mynegi diddordeb newydd
Gronfa Twf Busnes ac Arloesi
Grantiau ar gael rhwng £25,000 a £100,000 – Hyd at 70% o’r costau cyfalaf cymwys. Cymorth ar gyfer twf busnes, arloesedd, cynhyrchiant ac arallgyfeirio.
Cliciwch y ddolen isod am nodiadau canllaw a sut i wneud cais:
Mae’r grant yn cefnogi prosiectau sy’n cyfrannu at dwf busnes cynaliadwy a gwytnwch economaidd ar draws Castell-nedd Port Talbot.
Gall cyllid gefnogi:
- Twf ac ehangiad busnesau
- Arloesedd a datblygu cynhyrchion
- Lansio gwasanaethau newydd
- Gwelliannau cynhyrchedd
- Buddsoddiad mewn cyfarpar neu dechnoleg
- Mynd i farchnadoedd newydd
- Gweithgaredd cychwyn busnesau newydd
- Trosglwyddo gwybodaeth a chydweithredu
- Creu swyddi
Rhaid i bob dyfarniad grant arddangos creu swyddi fel rhan o ganlyniadau’r prosiect.
Mae’r rhaglen ar agor i:
- Fusnesau newydd sy’n cychwyn
- Unig Fasnachwyr
- Busnesau micro
- Busnesau Bach a Chanolig (BBaCh)
- Mentrau cymdeithasol sy’n ymwneud â gweithgaredd economaidd
- Busnesau presennol wedi’u lleoli yng Nghastell-nedd Port Talbot
Bydd y Grant Datblygu Busnesau’n cael ei gyflwyno drwy broses Galwad Agored dau gam.
Cam 1 – Mynegiant o Ddiddordeb (MoDd)
Gall busnesau wneud cais a chyflwyno Mynegiant o Ddiddordeb cychwynnol yn amlinellu eu prosiect arfaethedig a’u gofynion cyllido.
Cam 2 – Cais Llawn
Bydd ymgeiswyr cymwys wedyn yn cael gwahoddiad i gyflwyno cais llawn ynghyd â thystiolaeth i’w gefnogi.
Bydd yr Alwad Agored ar agor am un mid.
Caiff busnesau eu hannog i baratoi a chyflwyno ceisiadau’n gynnar er mwyn osgoi cael eu siomi.
Mae angen i geisiadau am grant arddangos eu bod yn cefnogi amrediad o ganlyniadau o ran twf economaidd a datblygu busnes, yn cynnwys:
Creu Swyddi
Cefnogi creu swyddi newydd parhaol cyfwerth ag amser llawn (FTE) ar draws Castell-nedd Port Talbot.
Mentrau Newydd
Helpu entrepreneuriaid i sefydlu busnesau newydd wedi’u cofrestru drwy Dŷ’r Cwmnïau neu CThEM.
Arloesedd
Cefnogi busnesau i gyflwyno cynhyrchion a gwasanaethau newydd neu wedi gwella i’r farchnad.
Gwelliannau mewn Cynhyrchedd
Helpu busnesau i gynyddu effeithlonrwydd, allbwn a chystadleurwydd.
Cyfleoedd Marchnadoedd Newydd
Cefnogi busnesau i ehangu i farchnadoedd newydd rhanbarthol, cenedlaethol neu ryngwladol.
Cynhyrchion Newydd i’r Farchnad
Annog datblygu cynhyrchion, gwasanaethau a thechnolegau arloesol.
Nod y Grant Datblygu Busnesau yw cryfhau’r economi rhanbarthol drwy gefnogi menter, gwella cynhyrchedd a chreu cyfleoedd cynaliadwy i gymunedau ar draws De Orllewin Cymru.
Mae Cyllido Twf Lleol yn ffurfio rhan o’r ymateb rhanbarthol ehangach i drawsnewid economaidd ac adfywio, yn cynnwys cefnogaeth yn gysylltiedig â phontio Tata Steel ym Mhort Talbot.
Drwy fuddsoddi mewn busnesau lleol, nod y rhaglen yw creu busnesau gwydn, swyddi o ansawdd a thwf economaidd hirdymor ar draws Castell-nedd Port Talbot.
Mae Galwad Agored yn wahoddiad cyhoeddus i bobl neu sefydliadau wneud cais am gyllid a chefnogaeth o fewn cyfnod amser penodol.
Yn syml mae’n golygu:
- Mae ceisiadau ar agor i unrhyw un sy’n cwrdd â’r meini prawf cymhwyster
- Mae terfyn amser penodol ar gyfer gwneud cais
- Caiff ceisiadau eu hasesu’n gystadleuol
- Caiff ymgeiswyr llwyddiannus eu dewis yn seiliedig ar ba mor dda y maen nhw’n cwrdd ag amcanion y rhaglen
Ar gyfer y rhaglen grant yma, mae’r Alwad Agored yn rhoi cyfle i fusnesau yng Nghastell-nedd Port Talbot i wneud cais am gyllid yn ystod ffenestr ymgeisio sy’n para am fis.
Cysylltwch â'r Tîm
Cysylltwch â'r tîm heddiw i drafod eich prosiect ac i ddysgu sut y gallai eich busnes elwa o gymorth grant.