Canllawiau Grant Datblygu Busnes LGF

Nod y grantiau yw cefnogi prosiectau a buddsoddiadau sy’n cyfrannu at flaenoriaethau’r Cyngor ar gyfer twf economaidd:

• Tyfu a datblygu busnesau e.e. drwy ddenu cwsmeriaid newydd, cyflwyno cynhyrchion/gwasanaethau newydd, arallgyfeirio, ehangu i sectorau neu farchnadoedd daearyddol newydd ac ati.
• Gwella effeithlonrwydd gweithredol a chynhyrchiant e.e. prosiectau sy’n eich helpu i redeg y busnes yn fwy effeithlon, megis drwy ddefnyddio meddalwedd neu apiau, buddsoddi mewn gwefan ac ati, neu sy’n eich galluogi i gynyddu eich capasiti, er enghraifft drwy brynu peiriannau a chyfarpar newydd.
• Creu swyddi. Rhaid i’r prosiectau a gefnogir greu swyddi newydd.

• Uwchsgilio’r gweithlu e.e. hyfforddi staff newydd/presennol er mwyn creu hyblygrwydd yn y gweithlu, helpu i gyflwyno gwasanaeth newydd ac ati.
• Cefnogi cadwyni cyflenwi lleol Rydym yn awyddus i annog busnesau i archwilio opsiynau ar gyfer defnyddio cyflenwyr lleol.

Mae grantiau ar gael er mwyn helpu egin fusnesau newydd, busnesau sydd eisoes yn bodoli a mewnfuddsoddwyr.

Mae’r cyllid ar gael i fusnesau sy’n gweithredu ar sail amser llawn a rhan-amser. Rhaid i fusnesau rhan-amser weithredu am o leiaf 16 awr yr wythnos.

Gall y cyllid helpu busnesau yn y rhan fwyaf o sectorau i gynnal prosiectau sy’n cyflawni’r amcanion uchod. Fodd bynnag, rhoddir blaenoriaeth i brosiectau a gaiff eu cynnal gan fusnesau sy’n gweithredu yn un o’n sectorau allweddol, h.y.

Er y cefnogir amrywiaeth eang o sectorau a gweithgareddau, nid yw’r rhestr yn hollgynhwysfawr. Ni fydd y Cyngor yn cefnogi unrhyw weithgaredd anghyfreithlon nac unrhyw weithgaredd arall a all beryglu enw da’r Cyngor ym marn y panel. Ni roddir cymorth grant ar gyfer y gweithgareddau canlynol.

Bydd y grant yn helpu i dalu costau cyfalaf a refeniw sy’n gysylltiedig â’r prosiect, yn amodol ar isafswm gwariant o £50.00 heb gynnwys TAW fesul dyfynbris

Ymhlith yr enghreifftiau posibl o wariant ar eitemau cyfalaf mae:

• Offer, peiriannau a chyfarpar sy’n cynyddu capasiti neu gynhyrchiant, neu’n lleihau’r defnydd o ynni ac ati.
• Mesurau sy’n cefnogi arloesedd yn uniongyrchol, fel dyfeisiau newydd sy’n ymwneud ag arddangos neu feinciau arbrofi; cyfleusterau labordy a phrofi; datblygu syniadau ar gyfer cynhyrchion, prosesau a gwasanaethau newydd neu well; cael gafael ar wybodaeth ac arbenigedd ynglŷn â deunyddiau newydd ac ati
• Mesurau i gynyddu a rheoli stoc dai
• Seilwaith a chaledwedd TG sy’n helpu i fabwysiadu technolegau newydd yn y busnes, yn gwella prosesau ac effeithlonrwydd gweithredol, yn cefnogi newidiadau i batrymau gweithio ac ati
• gwaith ar safleoedd er mwyn cynyddu capasiti neu helpu i arallgyfeirio, neu fesurau sy’n lleihau’r defnydd o ynni

D.S:

Ymhlith yr enghreifftiau o gostau refeniw cymwys mae:

• Gweithgareddau y mae angen cyngor arbenigol ar eu cyfer, e.e. cysylltu neu integreiddio systemau TG er mwyn cefnogi gwelliannau mewn prosesau ac effeithlonrwydd gweithredol, newidiadau i arferion gweithio; datblygu strategaethau marchnata ac e-farchnata er mwyn cyd-fynd â newidiadau mewn ymddygiad prynu cwsmeriaid, targedu marchnadoedd cwsmeriaid newydd ac ati; astudiaethau dichonoldeb er mwyn asesu cyfleoedd i ddatblygu ac ati
• Datblygu deunyddiau marchnata a hyrwyddo, gan gynnwys gwefannau sydd â’r nod o helpu’r busnes i ddenu cwsmeriaid newydd, mabwysiadu sianeli gwerthu newydd, cyflwyno dulliau cyfathrebu newydd, neu hyrwyddo cynhyrchion neu wasanaethau
• Meddalwedd sy’n galluogi’r busnes i wella effeithlonrwydd, cynyddu capasiti, rheoli stoc, integreiddio prosesau busnes, rheoli ffyrdd newydd o weithio ac ati
• Costau datblygu systemau neu feddalwedd (allanol yn unig)
• Ffioedd archwilio a chofrestru ar gyfer achrediadau i gefnogi twf y busnes, gwella prosesau gweithredol, arallgyfeirio i sectorau newydd ac ati
• Ardystio a phrofi cynhyrchion
• Hyfforddiant staff sy’n gwella sgiliau, hyblygrwydd y gweithlu ac ati

Important: Before requesting an application form, please ensure that your project can deliver against the required outputs and outcomes of the Fund and can complete within a 3 months period from the date of receiving the grant agreements.

Mae grantiau gwerth rhwng £2,500 a £25,000 ar gael.

Hyd at £25,000 tuag at gostau cymwys, ar ffurf arian cyfatebol fel a ganlyn:

Gwariant prosiect rhwng £2500 a £25,000 – 50% wedi’i ariannu drwy’r grant gyda’r ymgeisydd yn ariannu’r 50% arall.

Caiff lefel y grant a ddyfernir ei chyfrifo’n seiliedig ar y canlynol:

1. Canran y costau cymwys (heb gynnwys TAW), a
2. Nifer y swyddi a gaiff eu creu gan y prosiect fel a ganlyn:

• £7,500 fesul rôl amser llawn (30+ awr yr wythnos). Mae’n bosibl y bydd modd cynyddu’r ffigur hwn i £10,000 os bydd cyflog y rôl yn fwy na chyfartaledd cyflog cenedlaethol y DU (£39,309), yn amodol ar feini prawf cymhwysedd.

• £3,750 fesul rôl ran-amser (16-29 awr yr wythnos). Mae’n bosibl y bydd modd cynyddu’r ffigur hwn i £5,000 os bydd cyflog cyfwerth ag amser llawn (FTE) y rôl yn fwy na £39,309, yn amodol ar feini prawf cymhwysedd.

D.S:

• § Rhoddir grantiau yn ôl disgresiwn a bydd y Cyngor yn ystyried ceisiadau fesul achos.[JD1]

  [JD1]I’ve moved this into this section

• Ni allwch ymrwymo i wariant cyn cael cynnig ysgrifenedig.
• Bydd gan y Cyngor hawl i edrych i weld a yw busnes neu ymgeisydd mewn ôl-ddyledion mewn perthynas ag unrhyw daliad i Gyngor Castell-nedd Port Talbot ac, os gwelir ei fod, mae’n bosibl y caiff y cynnig o gymorth ei dynnu’n ôl.
• Bydd cyllid gan Gyngor Castell-nedd Port Talbot yn ddarostyngedig i Ddeddf Rheoli Cymorthdaliadau Llywodraeth y DU (2022).

Caiff y Grant Datblygu Busnes ei ddyrannu drwy broses Galwad Agored dau gam gystadleuol a gaiff ei hyrwyddo’n eang ymhlith busnesau newydd a busnesau sydd eisoes yn bodoli ledled Castell-nedd Port Talbot.

Cam 1 – Datganiad o Ddiddordeb

Bydd ymgeiswyr yn llenwi ffurflen Datganiad o Ddiddordeb.

Caiff gwiriadau cymhwysedd a phrosesau sgorio eu cynnal gan ddefnyddio’r meini prawf a gyhoeddwyd.

Caiff y Datganiadau o Ddiddordeb eu gosod yn eu trefn yn ôl sgôr ganrannol i ddethol y rhai a gaiff eu gwahodd i wneud cais llawn.

Cam 2 – Cais Llawn

Bydd ymgeiswyr cymwys yn cyflwyno cais llawn a thystiolaeth ategol.

Bydd swyddogion yn cwblhau prosesau diwydrwydd dyladwy a gwiriadau rheoli cymorthdaliadau.

Caiff adroddiadau cryno eu paratoi ar gyfer y Panel Cyllido.

Bydd y panel yn bwrw golwg dros yr argymhellion ac yn cymeradwyo penderfyniadau.

Bydd yr ymgeiswyr llwyddiannus yn cael Llythyr Cynnig Grant ffurfiol.

Rhaid i ddyfynbrisiau ar gyfer gwariant y prosiect gael eu cyflwyno gyda’ch cais.

Canllawiau Caffael:

D.S: Ar gyfer busnesau sydd eisoes yn bodoli, dim ond eitemau dros £50.00 heb gynnwys TAW fydd yn gymwys

Ar gyfer egin fusnesau, dim ond eitemau dros £50.00 gan gynnwys TAW fydd yn gymwys

Rhaid glynu wrth y canlynol:

1. Os oes gennych eich Polisi Caffael eich hun: Rhaid rhoi copi i Swyddfa Rheoli Rhaglenni Cyllid Llywodraeth Leol Cyngor Castell-nedd Port Talbot ar gyfer ei chofnodion.
2. Os nad oes gennych bolisi caffael, RHAID i chi ddilyn y rheolau canlynol i ddangos gwerth am arian:

Pan fydd y Derbynnydd yn dyfarnu contractau i gael eu hariannu drwy’r Grant, rhaid iddo wneud hynny:

• drwy broses gaffael gystadleuol sy’n cyfateb i’r hyn a geir o dan Ddeddf Caffael 2023; neu

• os bydd gwerth y caffaeliad islaw’r trothwy perthnasol sy’n berthnasol at ddibenion Deddf Caffael 2023, drwy broses gaffael gystadleuol gyfatebol sy’n deg, yn dryloyw ac nad yw’n gwahaniaethu, sydd wedi cael ei chymeradwyo gan y Cyngor, sy’n ddigonol i fodloni’r Cyngor bod gwerth am arian wedi cael ei sicrhau neu y bydd yn cael ei sicrhau, ac sy’n cynnwys:

• Hyd at £10,000 – 1 (un) dyfynbris yn ofynnol

• Rhwng £10,000 a £100,000 – 3 (tri) dyfynbris yn ofynnol (neu’r defnydd o gytundeb fframwaith caffael drwy gystadleuaeth)

Rhaid i’r dyfynbrisiau fod yn seiliedig ar y canlynol:

• yr un fanyleb o ofynion
• yr un meini prawf gwerthuso a gwerthuso ar sail tebyg at ei debyg. Mae’n arfer dda sefydlu panel gwerthuso
• yr un dyddiad cau ar gyfer cyflwyno dyfynbrisiau, a’r ffaith na chânt eu derbyn ar ôl hynny

Rhaid i gofnod wedi’i ddogfennu o’r dyfynbrisiau a geisiwyd, y broses werthuso a’r penderfyniad i ddyfarnu gael ei gadw at ddibenion archwilio.

*Os mai dim ond 1 (un) dyfynbris a dderbynnir, rhaid i chi gysylltu â’r Cyngor i ddarparu manylion a chyfiawnhad dros y broses gaffael rydych chi wedi’i chynnal. Rhaid i’r Cyngor gymeradwyo’r penderfyniad i fwrw ymlaen i brynu fesul achos. Copi o’r holl ddyfynbrisiau a gohebiaeth wedi’i gadw ar gyfer cofnodion. Bydd yr holl ffigurau yn cynnwys TAW.

Dros £100,000 hyd at drothwy Deddf Caffael 2023 (ar hyn o bryd £214,904 ar gyfer nwyddau/gwasanaethau a £5,372,609 ar gyfer gwaith). Rhaid ceisio o leiaf 3 (tri) dyfynbris gan ffynonellau cystadleuol. Os derbynnir llai na dau ddyfynbris, rhaid i chi gysylltu â’r Cyngor i ddarparu manylion a chyfiawnhad dros y broses gaffael rydych chi wedi’i chynnal. Rhaid i’r Cyngor gymeradwyo’r penderfyniad i fwrw ymlaen i brynu fesul achos. Copi o’r holl ddyfynbrisiau a gohebiaeth wedi’i gadw ar gyfer cofnodion.

Bydd yr holl ffigurau yn cynnwys TAW.

Bydd yn rhaid i’r un wybodaeth gael ei rhoi i bawb a wahoddir i roi dyfynbris:

• yr un fanyleb o ofynion
• amlinelliad o’r meini prawf gwerthuso a ddefnyddir i ddyfarnu’r contract
• yr un dyddiad cau ar gyfer cyflwyno dyfynbrisiau, a’r ffaith na chânt eu derbyn ar ôl hynny

Bydd yn rhaid i’r broses werthuso a ddilynir gennych fod yn gyson â’r meini prawf gwerthuso gwreiddiol a amlinellwyd a bydd yn rhaid cyflwyno taflen gyfiawnhau yn esbonio ar ba sail y dewiswyd y tendr llwyddiannus. Yr arfer orau yw sefydlu panel gwerthuso i werthuso tendrau.

Yn achos prosesau caffael â gwerth sy’n uwch na throthwy’r DU, cysylltwch â’ch Swyddog Prosiect yn y Cyngor.

D.S: Rhaid i’r ceisiadau a gyflwynir gael eu hawdurdodi’n briodol gan berchennog, partner neu gyfarwyddwr yn y busnes.

A allaf ddefnyddio cardiau credyd ac arian parod yn ogystal â’m cyfrif banc i dalu costau fy mhrosiect?

Rhaid i daliadau ar gyfer gwariant prosiect gael eu gwneud o gyfrif banc busnes fel a ganlyn:

Pobl hunangyflogedig ac unig fasnachwyr – rhaid defnyddio cyfrif banc sydd at ddibenion busnes, a all fod yn eich enw eich hun neu yn enw’r busnes. Rhaid i gyfriflenni a gyflwynir gyda hawliadau grant ddangos tystiolaeth glir o incwm a gwariant y busnes.

Partneriaethau, cwmnïau cyfyngedig ac ati – rhaid defnyddio cyfrif banc yn enw’r busnes.

Derbynnir pryniannau gyda cherdyn credyd lle mae’r cerdyn yn cael ei ddal yn enw a chyfeiriad yr ymgeisydd am grant. Rhaid gwneud taliadau yn erbyn datganiadau cerdyn credyd o’r cyfrif banc busnes uchod. Bydd angen tystiolaeth i ddangos bod gwerth y pryniannau cerdyn credyd o’r fath wedi’i dalu oddi ar y datganiad perthnasol.

Ni dderbynnir taliadau arian parod.

Drwy gyflwyno cais, byddwch yn cadarnhau’r canlynol:

• Eich bod yn gallu cwblhau’r prosiect a thynnu’r grant i lawr o fewn tri mis i ddyddiad y cynnig.
• Bod gennych gyfrif banc busnes enwebedig ac mai’r cyfrif hwnnw y byddwch yn ei ddefnyddio i wneud taliadau’r prosiect
• Eich bod yn cydnabod y bydd Cyngor Castell-nedd Port Talbot yn defnyddio manylion eich busnes a’ch prosiect mewn gweithgarwch hyrwyddo yn y dyfodol, e.e. datganiadau i’r wasg, astudiaethau achos ac ati.
• Cydnabod ei bod yn ofynnol i Gyngor Castell-nedd Port Talbot gyhoeddi manylion dyfarniadau grant.

Bydd Panel Cyllido’r Cyngor yn ystyried pob cais. Os byddwch yn llwyddiannus, caiff cynnig ysgrifenedig o gyllid ei anfon atoch ac mae’n bosibl y byddwn yn gofyn am wybodaeth ychwanegol gennych.

Bydd eich llythyr cynnig yn cynnwys manylion y dystiolaeth y bydd angen i ni ei chael, e.e. copïau o anfonebau, cyfriflenni banc cyfrif busnes penodedig, tystiolaeth o ffynonellau cyllid eraill ac ati.

D.S: rhaid i’r anfonebau a/neu dderbynebau a gyflwynir gennych gyda’ch hawliad gyfateb i’r dyfynbrisiau gwreiddiol yn eich cais a bod ag isafswm gwerth o £50.00 heb gynnwys TAW (busnesau sydd eisoes yn bodoli) a £50.00 gan gynnwys TAW (egin fusnesau).

A fyddaf yn cael unrhyw gymorth parhaus?

Bydd y Tîm Datblygu Economaidd yn cadw mewn cysylltiad â chi ac yn ymweld â chi i fonitro eich prosiect. Gallwch gael cyngor a chymorth parhaus drwy gysylltu â’r Tîm.

Gallwch wneud ceisiadau pellach. Fodd bynnag, bydd yn rhaid i chi fod wedi cwblhau unrhyw brosiectau a gafodd gynnig grantiau blaenorol a thynnu’r grant i lawr. Bydd angen i’r prosiect newydd ddangos tystiolaeth o greu swyddi sy’n wahanol i’r rhai mewn unrhyw geisiadau blaenorol.

Caiff eich gwybodaeth ei phrosesu yn unol â dogfen CBS Castell-nedd Port Talbot – Hysbysiad Preifatrwydd y Gwasanaethau Datblygu Economaidd – y bydd copi caled ohoni ar gael ar gais.