Gyda chefnogaeth ein Cronfa Ffyniant Gyffredin, mae Family Shopper ym Mlaendulais, Castell-nedd, wedi buddsoddi mewn gwaith ailddatblygu yr oedd mawr ei angen ar y siop, gan gynnwys trydan, lloriau, silffoedd a nenfwd newydd. Ar ôl blynyddoedd heb fuddsoddiad, mae’r gwelliannau hyn yn helpu i ddenu cwsmeriaid newydd.
Mae’r gwaith uwchraddio wedi sicrhau swyddi presennol a chreu swyddi newydd. Bydd gweddill yr arian yn mynd tuag at fwyd poeth newydd, peiriannau coffi, peiriant slush, a gwasanaeth dosbarthu.
Fel rhan hanfodol o’r pentref bach hwn, mae Family Shopper yn darparu lle i’r gymuned ddod at ei gilydd a chael gafael ar nwyddau hanfodol dyddiol.
