Busnes ynni glân newydd sy’n ymrwymedig i gyflymu’r economi hydrogen ac ynni adnewyddadwy ledled De Cymru yw Hyppo Hydrogen Solutions.Mae’r cwmni’n darparu dulliau storio hydrogen, atebion pŵer o bell, a gwasanaethau cludiant arbenigol sy’n rhedeg ar hydrogen. Mae’n datblygu haen ddefnyddio’r gadwyn gwerth hydrogen, gan sicrhau bod digon o alw i gyflwyno’r achos o blaid buddsoddi mewn seilwaith hydrogen.
Dros y 12 i 18 mis diwethaf, mae Hyppo wedi rhoi systemau prototeip ar gyfer ail-lenwi â thanwydd ar waith, wedi darparu gwasanaethau cludiant sy’n rhedeg ar hydrogen ar gyfer digwyddiadau cyhoeddus mawr fel Sioe Awyr Abertawe a Sioe Frenhinol Cymru, ac wedi lansio H2Bay, sef ecosystem arloesi hydrogen yn Stiwdios y Bae yng Nghastell-nedd Port Talbot.
Gwnaeth y cwmni gais am gymorth o Gronfa Twf Tata i brynu a gosod electroleiddiwr hydrogen gwyrdd 175-kW, ynghyd â seilwaith cysylltiedig gan gynnwys system hidlo dŵr, ceblau pŵer a chyfathrebu, pibellwaith, gwaith mecanyddol a thrydanol a gwaith safle.
Bydd y prosiect yn H2Bay, Stiwdios y Bae, Castell-nedd Port Talbot, yn helpu i sicrhau statws y safle fel hyb ynni adnewyddadwy rhanbarthol sy’n gallu cynhyrchu hyd at 65kg o hydrogen y dydd o ddŵr glaw wedi’i gasglu – digon i gefnogi tua 2 filiwn o gilometrau o ddefnydd o geir sy’n rhedeg ar hydrogen bob blwyddyn a chyfrannu at leihad o hyd at 350 tunnell o CO₂ y flwyddyn.
Bydd y buddsoddiad yn galluogi’r cwmni i gyflenwi hydrogen gwyrdd am bris cystadleuol at ddibenion cludiant, masnacheiddio generaduron pŵer o bell a systemau hydrogen modiwlaidd yn gyflymach, a sefydlu hyb arddangos hydrogen er mwyn cefnogi gwaith ymchwil, arloesi a datblygu sgiliau ledled Castell-nedd Port Talbot.
Mae disgwyl i’r prosiect greu 11 o swyddi newydd a diogelu dwy swydd sydd eisoes yn bodoli. Mae’r cwmni hefyd yn bwriadu recriwtio cyn-weithwyr Tata Steel, yn enwedig y rhai hynny sydd â phrofiad ym meysydd trin nwy, peirianneg, systemau trydanol, logisteg a diogelwch.
“This investment will also help us create high‑quality jobs for former Tata Steel workers and attract further private‑sector investment into the region. We are committed to building a cleaner, more sustainable energy future for Neath Port Talbot, and this funding plays a crucial role in making that ambition a reality.”
